سه نابینا/الیاس امیرحسنی

ناغیل
یازار:الیاس امیرحسنی
قایناق شخص: آنام صفیه قدیری

بیری واروموش،بیری یوخوموش،آلله دان سوای هئچ کس یوخوموش.
جانوم سنه دئسین،اوچدانا کورکیشی واروموش،بولار گئدای لوق ائلرمیش لروبیر آز پولاری واروموش.
بیری پولون تیکمیشیمیش کوتونا،بیری باغلاموشوموش دستمالا مچیدده آلا لا قوش ائلریمیش.بیری ده پولینی سوخموشوموش عصاصی لوله سینه.
بیر گوزلی،زرنگ آدام بولاری گورر،دییئر نئجه ائله ییم،بولارون پولارونی الریندن آلوم.
خلاصه اوبیری کی پولون آلا لا قوش ائلریمیش،آتاندا یوخاری زرنگ کیشی پولونی گویده قاپار وقاچار گئدر.
اوبیریسی کی پولی عصا لوله سینده ایمش دئیر منیم پولیمی هئچ کیمسه آلوپ آپارا بیلمز،آمما زرنگ کیشی گیزلنیر اونون دا عصا سونی گوترر قاچار.
بیر حوقا قورار تا اوکوتونا تیکه نین ده پولون آلسون،گئدر بیربلیک ده شیره نی گتیرر آسار مچیدین قاپوسی اوستونه.هارولار ییغیلر بلیک باشونا،کورمچید دن چیخنده هارولار دوزلر اونون آردونا،اودا کوتونو تاولار بئله،تاولار ائلیه،گورر اولماز کوتونی آتار و قاچار وگوزلی زرنگ کیشی کوتونی گوتورر.
جانوم کی سن اولای،بوکیشی گئدر ائوه،دییئر نئجه ائله ییم کی هئچ کیمسه بیلمه سین بولارون پولون توتوب آلموشام،گئدرلر هامو یئرده دییللر،آبروم گئدر.فیکر ائلر دییئر قوی بولاری شاما دعوت ائله ییم.
خلاصه اوچ گئدای کوری دئییر شاما.
اولار گلر.بیرینی چاقورار دییئر گل بویانکی ائوده شام یئه.آپارار اونی اولدورر.اونی اولدورنده اوبیرسی کور دییر به به بیله میزه اوگئج اولدوریری.
اوبیریسین ده دییئر گل گئدک یولداشون یانوندا شام یئه گینن،اونودا آپارار اولدورر.اوچومچونه ده دییئر سنده گل یولداشلارون یانونا تک قالما،تک لیقده شام یاپوشمازبیلیه.
جان کی سن اولای،اوچون ده بوجور اولدورور.
اولدورن دن سونرا چولاشار فیکره تا صبحه کیمین،دییئر خدایا ایندی بو اولولری نمه ائله ییم.
صبح چیخر ائشیگه،گورر بیر سوقان ساتان گلیری.
سوقان ساتانا دییئر،عمی سن گونده نه قدر باشا سالورای نه قدردرآمدین وار،
سوقان ساتان دییئر بابا پول وئر میلر کی،چوخ اولا اون تومن.
زرنگ کیشی دییئر گل گئدک بیزه،من سنین سوقانلارون یوز تومنه آلارام بیر شرطینن کی بیرنفر اولو وار اونو دا آپارای کولویای گله ی .آمما ائله برک چالا کی چیخیب گلمه سین.
سوقان ساتان قبول ائلر واولونی آتار مال دالونا آپارار کولار.قییتیب گلر گورر اوندان قاباخ اولو اوردا،بوبیریسین ده آپارار کولار،گلر گورر گئنه اولو اوردا دوشوب،بوسفر اولونی آپارار سالار حاماما اوزی چیخر قاپی آردوندا دورار کی اگر بوسفر دیریلدی گلدی،وورسون اوله.
اویاندان دئمه بیردانا آخوند حامامدا یووونوروموش،اولونی گورنده،قور خوسوندان،آنادان اولما حامامدان چیخر قاچا.
سوقان ساتان قاپینی کسمیشیمیش کی گورر اولی دیریلیب گلیری.
خلاصه آخوند چیخر قاچار،بودا دوشر آردونا،آخوند گئدر گیرر بییم بی بی گیله.
جان کی سن اولای،بییم بی بی دییئر،آی داداجان،نمه دیر،نشکیل دیر.
سوقان ساتان قالور نمه دئسین.
بییم بی بی دییئر بوفلان آخوند دور،بوندان ایشی اولماسون.
خلاصه سوقان ساتان بیراخور گلور گورر اولی دوشوب سوایچینده اویناخلیری.
آلار دالونا گتیرر،بیر دانا دیفاری ییخر اولونون اوستونه و دییئر یات ایندی بوردا گوربه گوری،گوروم ایندی چیخیب گله بیلری.
یوزتومنی ده بوشلار،سوقانی دا وئرر،هرنه بربساطی واروموش وئرر وچیخر گئدر.
ناغیلوموز مطلبینه یئتیشدی.

رازقان (لوح ساده )...